ᑲᒪᒋᔭᕆᔭᐅᔪᖅ. ᐅᐸᒐᑦᓴᐅᓯᐊᖅᑐᖅ.

ᐃᑲᔪᕐᓱᐃᓂᖅ ᐃᑉᐱᒍᓱᑦᓯᐊᓂᒃᑯᑦ ᐊᑐᖅᐸᓂᕐᒥᒃ ᐃᒥᐊᓗᓐᓂᑦ ᐊᒻᒪ ᐋᖓᔮᕐᓇᖅᑐᒦᖔᖅᑐᓂᑦ ᓄᓇᕘᓕᒫᒥ.






ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐ

ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᑭᒃᑯᑐᐃᓐᓇᕐᓄᑦ ᐱᓕᕆᔨᐅᔪᑦ ᓂᐅᕐᕈᑎᖃᖅᐸᑦᑐᑎᒃ ᐊᒻᒪ ᐱᑕᖃᖅᑎᑦᓯᕙᑦᑐᑎᒃ ᐃᒥᐊᓗᓕᓐᓂᑦ ᐃᒥᒐᕐᓂᒃ ᐊᒻᒪ ᐋᖓᔮᕐᓇᖅᑐᒦᖔᖅᑐᓂᒃ ᓄᓇᕗᒻᒥ.

ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐊᐅᓚᑉᐸᑦᑐᑦ ᐃᓗᐊᓂᑦ ᓄᓇᕗᒻᒥ ᒐᕙᒪᒃᑯᑦ ᑮᓇᐅᔭᓕᕆᔨᒃᑯᑦ, ᐊᐅᓚᑦᓯᕕᖃᖅᑐᑎᒃ ᑲᖏᖦᖠᓂᕐᒥ ᐊᒻᒪ ᐃᖃᓗᓐᓂ. ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᑮᓇᐅᔭᖃᖅᑎᑦᓯᕙᑦᑐᑦ ᓂᐅᕕᕐᕕᖁᑎᖏᑕ ᐊᐅᓚᑦᓯᔾᔪᑎᑦᓴᖏᓐᓂᑦ ᐊᑐᖅᑐᑎᒃ ᐊᑐᖅᑕᐅᓗᐊᖏᑦᑐᒥᑦ ᐅᑎᖅᑕᐸᑦᑐᓂᑦ ᑮᓇᐅᔭᓕᕆᔾᔪᑎᖃᖅᑐᑎᒃ, ᐃᓚᓕᐅᔾᔭᐅᓯᒪᒐᑎᒃ ᓄᓇᕗᒻᒥ ᒐᕙᒪᒃᑯᑦ ᐊᓯᖏᓐᓄᑦ ᐃᖅᑲᓇᐃᔭᕐᕕᖏᓐᓄᑦ. ᐃᓱᓕᒐᐃᒻᒪᑦ ᐊᕐᕌᒍ ᑮᓇᐅᔭᓕᕆᔾᔪᑎᐅᕙᑦᑐᖅ ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᓴᖑᑎᑦᓯᕙᑦᑐᑦ ᑮᓇᐅᔭᓂᑦ ᖃᑭᔾᔪᑎᒥᓂᒃ ᓄᓇᕗᒻᒥ ᒐᕙᒪᒃᑯᓐᓄᑦ. ᑕᒪᐅᓇ, ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐊᑐᖅᐸᑦᑐᑦ ᑮᓇᐅᔭᓂᑦ ᐃᓯᖅᑕᒥᓂᒃ ᐃᑲᔪᕐᓱᐃᔾᔪᑎᒋᕙᑦᑐᒋᑦ ᐊᖏᓂᕐᓴᓄᑦ ᑭᒃᑯᑐᐃᓐᓇᕐᓅᖓᔪᓄᑦ ᓯᕗᓪᓕᐅᔾᔭᐅᖁᔭᐅᓯᒪᔪᓄᑦ.


ᐊᐱᖅᑯᑎᐅᒐᔪᑦᑐᑦ ᐊᐱᖅᑯᑏᑦ

ᐊᕐᕌᒍᑕᒫᕐᓯᐅᑎᑦ ᑎᑎᖅᑲᑦ

ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐊᐅᓚᓂᖃᖅᐸᑦᑐᑦ ᑐᑭᓕᐊᖓᔪᓂᑦ ᓄᓇᕗᒻᒥ ᒪᓕᒐᕐᓂᑦ, ᐱᓗᐊᖅᑐᒥ ᐃᒥᐊᓗᓕᕆᓂᕐᒧᑦ ᐱᖁᔭᕐᔪᐊᖅ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᐱᖁᔭᕐᔪᐊᒥᑦ, ᐊᒻᒪᑦᑕᐅᖅ ᐊᒥᓱᑲᓪᓚᓐᓂᒃ ᐃᓚᒋᔭᐅᔪᓂᒃ ᒪᓕᒐᕋᓛᓂᒃ. ᐱᒻᒪᕆᐅᓂᖏᑦ ᒪᓕᒐᕋᓛᓄᑦ ᐃᓚᒋᔭᐅᔪᑦ:

ᐊᕐᕌᒍᑕᒫᕐᓯᐅᑎᑦ ᑎᑎᖅᑲᑦ

ᐊᕐᕌᒍᑕᒫᖅ, ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐅᖃᓕᒫᒐᓕᐅᖅᐸᑦᑐᑦ ᖃᐅᔨᓵᖑᓯᒪᔪᓂᑦ ᑕᒻᒪᑐᖅᓯᐅᑎᓄᑦ ᑮᓇᐅᔭᓕᕆᔾᔪᑎᕕᓂᕐᓂᒃ ᐃᓚᒋᔭᐅᔪᓂᑦ ᐊᒥᓲᓂᕐᓴᓂᑦ ᐅᓂᒃᑳᓕᐊᖑᕙᑦᑐᓄᑦ ᑎᑎᖅᑲᒧᑦ. ᒥᓂᔅᑕ ᑮᓇᐅᔭᓕᕆᓂᕐᒧᑦ ᓴᖅᑮᕙᑦᑐᖅ ᑮᓇᐅᔭᓕᕆᔾᔪᑎᕕᓂᕐᓂᒃ ᐊᒻᒪ ᑎᑎᖅᑲᓂᒃ ᐅᑭᐊᑦᓵᑕᒫᑦ ᓄᓇᕗᒻᒥ ᒪᓕᒐᓕᐅᕐᕕᒻᒥ.

ᓇᒻᒥᓂᖃᕐᓂᕐᒥᑦ ᐸᕐᓇᐅᑎᓕᕆᓂᖅ

ᐊᕐᕌᒍᑕᒫᖅ, ᐃᓚᒋᔭᐅᓗᑎᒃ ᓄᓇᕗᒻᒥ ᒐᕙᒪᒃᑯᑦ ᐊᒥᓲᓂᕐᓴᓄᑦ ᓇᒻᒥᓂᖃᕐᓂᕐᒥᑦ ᐸᕐᓇᐅᑎᓕᕆᓂᕐᒧᑦ ᐅᐸᓗᖓᐃᔭᐅᑎᖏᓐᓄᑦ, ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐅᖃᐅᑎᑦᓴᖃᖅᐸᑦᑐᑦ ᐱᔾᔪᑎᖃᖅᑐᓂᒃ ᑮᓇᐅᔭᓕᕆᔨᒃᑯᑦ ᐸᕐᓇᐅᑎᖏᓐᓂᑦ ᐊᒻᒪ
www.gov.nu.ca/iu/finance

ᐃᓄᓐᓂᒃ ᐃᖅᑲᓇᐃᔭᖅᑎᑦᓯᓂᕐᒥᑦ

ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐱᓕᕆᐊᖃᖅᐸᑦᑐᑦ ᑎᑭᓐᓇᓱᐊᖅᑐᒋᑦ ᓄᓇᕗᒻᒥ ᒐᕙᒪᒃᑯᑦ ᐃᑉᐱᒋᔭᖏᑦ ᐱᓕᕆᐊᑦᓴᐃᑦ ᒪᓕᑦᑐᑎᒃ ᑎᑎᕋᕐᓯᒪᔪᓂᑦ ᐋᑎᑯ 23 ᓄᓇᕘᒧᑦ ᐊᖏᕈᑎᒥ. ᑕᒪᒃᑯᐊ ᐊᑐᖅᐸᑦᑕᕗᑦ ᒪᓕᑉᐸᑦᑐᒋᑦ ᓄᓇᕗᒻᒥ ᒐᕙᒪᒃᑯᑦ ᐊᒥᓲᓂᕐᓴᐃᑦ ᐃᖅᑲᓇᐃᔭᖅᑎᑖᕈᑎᖏᓐᓄᑦ ᐱᓕᕆᔾᔪᑎᐅᔪᑦ, ᐱᓕᕆᔾᔪᑎᐅᕙᑦᑐᑎᒃ ᓯᕗᓪᓕᐅᑎᒋᐊᓕᓐᓂᑦ ᐃᖅᑲᓇᐃᔭᖅᑎᑖᕈᑎᓂᑦ ᐊᑐᐊᒐᕐᒥᓂᒃ ᐱᑐᐃᓐᓇᐅᑎᓇᓱᐊᖅᐸᑦᑐᒋᑦ ᐃᖅᑲᓇᐃᔮᑦᓴᐃᑦ.
ᐃᖅᑲᓇᐃᔮᖃᕈᒪᓐᓂᕈᕕᑦᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐃᖅᑲᓇᐃᔭᕐᕕᖏᓐᓂ, ᐅᐸᒍᓐᓇᖅᑕᐃᑦ ᓄᓇᕗᒻᒥ ᒐᕙᒪᒃᑯᑦ ᐊᒥᓲᓂᕐᓴᓂᑦ ᐃᖅᑲᓇᐃᔮᓂᑦ ᑕᑯᑦᓴᐅᑎᑦᓯᔪᑦ ᐃᑭᐊᖅᑭᕕᒃ:
https://www.gov.nu.ca/public-jobs

ᒪᓕᒐᑎᒍᑦ ᐊᑐᖅᑕᐅᖁᔭᐅᓯᒪᔪᑦ ᐅᖃᐅᓰᑦ

ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐃᑲᔪᕐᓱᐃᔪᑦ ᐊᑐᖅᑕᐅᕙᓐᓂᖏᓐᓂᑦ ᓄᓇᕗᒻᒥ ᒪᓕᒐᑎᒍᑦ ᐊᑐᖅᑕᐅᖁᔭᐅᓯᒪᔪᓂᑦ ᐅᖃᐅᓯᕐᓂᒃ. ᐱᓗᐊᖅᑐᒥ, ᓂᐅᕕᕐᕕᒻᒥᐅᑕᐃᑦ ᐃᖅᑲᓇᐃᔭᖅᑎᖁᑎᕗᑦ ᐱᑕᖃᖅᑐᑦ ᐊᑕᐅᓯᐅᖕᖏᑦᑐᒥᑦ ᐅᖃᐅᓯᕐᓂᒃ ᐊᑐᕈᓐᓇᖅᑐᓂᒃ, ᓂᐅᕕᕐᕕᒻᒥ ᐊᒻᒪ ᐅᖄᓚᐅᑎᒃᑯᑦ, ᓄᓇᓕᕐᓂᒥᐅᑕᓂᑦ ᑎᑭᓴᐃᒍᒪᔪᓂᑦ. ᑭᒡᒐᖅᑐᐃᔨᖁᑎᕗᑦ ᐱᔨᑦᓯᕋᖁᕙᒻᒥᔭᕗᑦ ᐊᑐᕐᓗᑎᒃ ᐅᖃᐅᓯᕐᒥᒃ ᐃᕝᕕᑦ ᐊᑐᕈᒪᔭᖓᓂᑦ.

ᑭᒃᑯᑐᐃᓐᓇᕐᓅᙱᓐᓂᖅ

ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐃᑉᐱᒍᓱᑦᑎᐊᖅᑐᑦ ᑭᒃᑯᑐᐃᓐᓇᕐᓂᒃ ᐱᔾᔪᑎᖃᖅᐸᑦᑐᑦ ᑭᒃᑯᑐᐃᓐᓇᕐᓄᑦ ᓴᖅᑮᒋᐊᖃᖅᐸᖏᓐᓂᖏᑦ, ᐊᒻᒪ ᐊᐅᓚᑉᐸᑦᑐᑎᒃ ᒪᓕᑦᑐᑎᒃ ᒪᓕᒋᐊᓕᓐᓂᒃ ᒪᓕᒐᕐᓂᒃ, ᐱᓗᐊᖅᑐᒥ ᓄᓇᕗᒻᒥ ᒐᕙᒪᒃᑯᑦ ᑕᑯᔪᓐᓇᕐᓂᖏᑦ ᑐᑭᓯᒋᐊᕈᑎᓂᑦ ᐊᒻᒪ ᓴᐳᔾᔭᐅᔾᔪᑎᖏᓐᓂᑦ ᑭᒃᑯᑐᐃᓐᓇᕐᓂᒃ ᐱᔾᔪᑎᖃᖅᐸᑦᑐᓂᒃ ᓴᖅᑮᒋᐊᖃᖅᐸᖏᓐᓂᕐᒧᑦ ᐱᖁᔭᕐᔪᐊᖅ, ᐃᒥᐊᓗᓕᕆᓂᕐᒧᑦ ᐱᖁᔭᕐᔪᐊᖅ, ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓄᑦ ᐱᖁᔭᕐᔪᐊᖅ. ᐱᓕᕆᔾᔪᑎᒥᓂᕐᓂᒃ ᓄᐊᑦᓯᕙᒃᑲᓗᐊᕋᑦᑕ ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᓇᒧᑐᐃᓐᓇᖅ ᓴᖅᑮᕙᖕᖏᑦᑐᑦ ᐱᔨᑦᓯᕋᖅᑕᒥᓅᖓᔪᓂᑦ ᑐᑭᓯᒋᐊᕈᑎᓂᑦ ᓯᓚᑎᑦᑎᓐᓂ ᐱᓕᕆᔨᓄᑦ ᒪᓕᒐᑎᒍᑦ ᓴᖅᑮᖁᔭᐅᓚᐅᖏᓂᖅᑎᓐᓂ. ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᓴᖅᑮᕙᑦᑐᑦ ᑐᑭᓯᒋᐊᕈᑎᓂᑦ (ᓲᕐᓗ ᐊᒥᓱᓂᑦ ᐅᖃᐅᓯᓕᓐᓂᑦ ᐱᓕᕆᔾᔪᑎᒥᓂᕐᓂᒃ ᐱᔨᑦᓯᕋᖅᑕᐅᔪᒧᑦ ᐊᑕᐅᓯᕐᒧᑦ ᑐᕌᖓᓂᖃᖕᖏᑦᑐᓂᑦ) ᐱᔾᔪᑎᒋᓪᓗᒋᑦ ᐊᐅᓚᑦᓯᔾᔪᑎᒋᔭᖏᑦ ᐃᓚᒋᓪᓗᒋᑦ ᓄᓇᕗᒻᒥ ᒐᕙᒪᒃᑯᑦ ᐃᑲᔪᕐᓱᐃᔾᔪᑎᑦᓴᓂᑦ ᑮᓇᐅᔭᓕᕆᓂᕐᒥᑦ ᑎᑎᖅᑲᓕᐅᕐᓂᕐᒥᑦ, ᐋᓐᓂᐊᓇᖕᖏᑦᑐᓕᕆᓂᕐᒨᖓᔪᓂᑦ, ᐊᑐᐊᒐᓕᐅᖅᑎᓪᓗᒋᑦ ᐊᒻᒪ ᐊᓯᖏᓐᓂᑦ ᑕᒪᒃᑯᓄᖔᖓᔪᓂᒃ ᖃᓄᐃᓕᐅᕈᑎᕈᓘᔭᕐᓂᒃ.

ᒥᓂᔅᑕᖓᑦ ᑮᓇᐅᔭᓕᕆᔨᒃᑯᑦ

ᓄᓇᕘᒥ ᒥᓂᔅᑕᐅᔪᖅ ᑮᓇᐅᔭᓕᕆᔨᒃᑯᓐᓄᑦ ᒪᓕᒐᓕᐅᖅᑎ ᖁᐊᓴ ᑯᓱᒐᖅ.

ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐃᓄᒋᐊᓄᑦ ᐅᐸᑦᑕᐅᒐᔪᑦᑐᓂ ᐱᓕᕆᕝᕕᐅᔪᑦ ᓴᖅᑭᔮᖅᑐᑎᒃ ᐱᔪᓐᓇᐅᑎᖓᒍᑦ ᒥᓂᔅᑕᐅᑉ ᐱᓕᕆᔨᐅᔫᑉ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓂᒃ, ᒥᓂᔅᑕ ᑮᓇᐅᔭᓕᕆᓂᕐᒥᑦ.

ᖁᐊᓴ ᑯᓱᒐᖅ ᓂᕈᐊᖅᑕᐅᒃᑲᓐᓂᓚᐅᖅᑐᖅ ᐊᒃᑑᐸ 25, 2021−ᒥ ᓂᕈᐊᕐᔪᐊᕐᓇᖅᑕᖃᖅᑎᓪᓗᒍ, ᑭᒡᒐᖅᑐᐃᔨᐅᓂᐊᖅᖢᓂ ᑲᖏᖅᖠᓂᐅᑉ ᓂᒋᐊᓂᒃ ᐊᕐᕕᓂᓕᖓᓐᓂ ᓄᓇᕗᒻᒥ ᒪᓕᒐᓕᐅᖅᑎᓂ. ᒥᔅᑐ ᑯᓱᒐᖅ ᒥᓂᔅᑕᐃᑦ ᑲᑎᒪᔨᖏᓐᓅᓚᐅᖅᓯᒪᔪᖅ ᓄᕕᐱᕆ 17, 2021-ᒥ, ᓄᓇᕗᒻᒥ ᓯᕗᓕᖅᑏᑦ ᕿᒥᕐᕈᔭᐅᓂᖃᓚᐅᖅᑎᓪᓗᒋᑦ. ᒥᓂᔅᑕ ᑯᓱᒐᖅ ᑎᑎᕋᕐᕕᖕᒥᓄᑦ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 19, 2021-ᒥ. ᒪᓕᒐᓕᐅᕐᕕᖕᒥ ᒐᕙᒪᒃᑯᓐᓄᑦ ᓯᕗᒃᑲᖅᑕᖅᑎᒋᔭᐅᓯᒪᔪᖅ, ᒥᓂᔅᑕᕆᔭᐅᓪᓗᓂᓗ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔾᔪᑎᓕᕆᔨᒃᑯᓐᓄᓪᓗ ᐊᒻᒪ ᒥᓂᔅᑕ ᐱᓕᕆᐊᖃᖅᖢᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ.

ᑕᑯᒋᑦ ᖃᓄᐃᑦᑐᖃᕐᓂᖓᓂ