ᓱᐴᖅᑐᕐᓗᒐᖅ ᒪᓕᒐᕐᒥᒃ ᓯᖁᒥᑦᓯᓂᐅᔪᓐᓃᖅᑐᖅ
ᓱᐴᖅᑐᕐᓗᒐᖅ ᐊᑐᓕᓚᐅᖅᐳᖅ ᐊᑐᐱᕆ 17, 2018. ᐊᒻᒪᓗ ᐊᑐᖅᑕᐅᓂᖓ ᓱᐴᖅᑐᕐᓗᒐᐅᑉ ᑲᓇᑕᒥ ᒪᓕᒐᕐᒥᒃ ᓯᖁᒥᑦᓯᓂᐅᔪᓐᓃᕐᒪᑦ. ᐊᕕᒃᑐᖅᓯᒪᔪᑦ ᐊᒻᒪᓗ ᓄᓇᓕᖃᕐᕕᑦ ᑲᒪᒋᔭᐊᕐᓕᕐᒪᑕ ᐃᓱᒪᓕᐅᕈᑎᖃᕈᓐᓇᖅᓯᓪᓗᑎᒃ ᖃᓄᖅ ᓱᐴᖅᑐᕐᓗᒐᖅ ᐱᔭᐅᑎᑕᐅᖃᑦᑕᕐᓂᐊᕐᒪᖔᑦ ᐊᒻᒪ ᖃᓄᖅ ᓂᐅᕕᐊᖑᑎᑕᐅᖃᑦᑕᕐᓂᐊᕐᒪᖔᑦ ᐃᓗᐊᓂ ᐱᓕᕆᕕᒋᔪᓐᓇᕐᓂᖃᕐᕕᒋᔭᖏᑕ.
ᓄᓇᓕᖃᕐᕕᐅᔪᑦ ᑲᓇᑕᐅᑉ ᓂᒋᐊᓂ ᐊᒻᒪ ᐅᑭᐅᖅᑕᖅᑐᖏᓐᓂ:
- ᖃᓄᖅ ᓂᐅᕕᐊᖑᔪᓐᓇᓛᕐᒪᖔᖅ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓂᒃ
- ᓇᒦᒐᔭᕐᒪᖔᑕ ᓂᐅᕕᕐᕖᑦ
- ᖃᓄᖅ ᐊᐅᓚᑕᐅᒐᔭᕐᒪᖔᑕ ᓂᐅᕕᕐᕖᑦ
ᓄᓇᓕᖃᕐᕕᐅᔪᑦ ᑲᓇᑕᐅᑉ ᓂᒋᐊᓂ ᐊᒻᒪ ᐅᑭᐅᖅᑕᖅᑐᖏᓐᓂ ᐃᓱᒪᕐᓱᕋᔭᖅᑐᑦ ᐋᖅᑭᑦᓯᓯᒪᒍᒪᒍᑎᒃ ᐱᑐᐃᓐᓇᐅᖏᔾᔪᑎᓂᒃ, ᐱᖃᓯᐅᑎᓪᓗᒋᑦ:
- ᒥᑭᓪᓕᑎᒋᐊᕐᓗᒋᑦ ᖃᑦᓯᐅᓂᑦ ᐊᑕᐅᑦᓯᒃᑯᑦ ᐱᓯᒪᔭᐅᔪᓐᓇᖅᑐᑦ
- ᐱᑐᐃᓐᓇᐅᖏᔾᔪᑎᓕᐅᕐᓗᑎᒃ ᓇᒥ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓂᒃ ᐊᑐᖅᑕᐅᔪᓐᓇᕐᒪᖔᖅ ᐃᓄᒋᐊᓄᑦ ᐅᐸᑦᑕᐅᒐᔪᑦᑐᓂ
- ᐊᖏᔪᑦᑎᕈᕆᐊᖅᑕᐅᓗᑎᒃ ᐊᕐᕌᒍᖃᕆᐊᓖᑦ ᖃᑦᓯᓂᒃ
- ᐃᓚᒋᐊᕐᓗᒋᑦ ᒪᓕᒐᐅᑎᑕᐅᔪᑦ ᐃᒻᒥᒧᑦ ᖃᓄᑎᒋ ᐱᕈᕐᓯᐊᖃᕈᓐᓇᕐᓂᖅ
ᐃᕝᕕᑦ ᑭᓯᐊᓂ ᐃᑉᐱᒍᓱᑦᓯᐊᖅᑎᐅᕗᑎᑦ ᖃᐅᔨᒪᓇᓱᓐᓂᐊᕐᓗᒋᑦ ᒪᓕᒐᓕᕆᓂᕐᒨᖓᔪᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓂᒃ ᐱᔾᔪᑎᖃᖅᑐᑦ ᓄᓇᕗᒻᒥ. ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᑕᕝᕙᐅᕗᑦ ᐃᓕᑦᓯᓐᓂᑦ ᑐᑭᓯᒋᐊᖅᑎᑦᓯᒍᒪᑐᐃᓐᓇᖅᑐᑎᒃ ᖃᓄᖅ ᐃᑉᐱᒋᔭᕆᐊᓕᖏᓐᓂᑦ ᐊᒻᒪ ᖃᓄᖅ ᐱᔭᕆᐊᖃᕐᒪᖔᑦᓯ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓂᒃ ᐊᑦᑕᓇᔾᔭᐃᕐᓯᒪᓗᓯ.
ᐊᐱᖅᑯᑎᐅᒐᔪᑦᑐᑦ ᐊᐱᖅᑯᑏᑦ
ᐋᖓᔮᕐᓇᖅᑐᖅ ᐱᕈᖅᑐᕕᓂᖅ ᒪᓕᒐᙳᖅᑎᑕᐅᔪᖅ
ᖃᐅᔨᒪᒋᐊᕈᒃ ᐋᖓᔮᕐᓇᖅᑐᖅ ᐱᕈᖅᑐᕕᓂᖅ
ᓱᕐᕋᓇᖏᓐᓂᖓ ᓰᐲᑏ (CBD) vs ᐊᒻᒪ ᓱᕐᕋᓇᕐᓂᖓ ᑏᕼᔅᓰ (THC) ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓂᒃ
ᐋᖓᔮᕐᓇᖅᑐᖅ ᐱᕈᖅᑐᐃᑦ ᓴᓇᕙᑦᑐᑦ ᐅᖃᐅᓯᐅᔪᓂᑦ ᖃᓪᓗᓈᑎᑐᑦ ᑳᓇᓇᐱᓄᐊᐃᑦᔅ (cannabinoids), ᐃᓗᐊᓃᑦᑐᑦ ᐱᕈᖅᑑᑉ ᓱᕐᕋᓇᖅᑐᑦ. ᐃᓗᐊᓃᑦᑐᑦ ᑲᑎᖃᓯᐅᑎᕙᑦᑐᑦ ᑎᒥᑦᑎᓐᓄᑦ ᐊᖅᑯᑎᖃᖅᑐᑎᒃ ᑎᒥᑦᑕ ᐃᓗᐊᓃᑦᑐᓂᑦ.
ᒪᕐᕉᒃ ᖃᐅᔨᒪᔭᐅᓂᖅᐹᖑᔫᒃ ᐱᕈᖅᑐᐃᑦ ᐃᓗᐊᓃᑦᑐᑦ ᓱᕐᕋᓇᕐᓂᖓ ᑏᕼᔅᓰ ᑎᑐᕋᕼᐊᐃᑐᕈᑳᓇᐱᓅᓪ (THC) ᐋᖓᔮᕐᓇᕐᓂᖓ ᐊᒻᒪ ᓰᐲᑏ ᑳᓇᐱᑎᐅᓪ ᓱᕐᕋᓇᖏᓐᓂᖓ ᐋᖓᔮᕐᓇᖏᓐᓂᖓ (CBD). ᐊᕐᕌᒍᒐᓴᓂᑦ,ᖄᐅᔨᓴᖅᑏᑦ ᖃᐅᔨᒪᓯᒪᓕᖅᑐᑦ ᑏᕼᔅᓰᖑᓂᖓ ᓱᕐᕋᓇᕐᓂᕆᒻᒪᒍ ᐱᕈᖅᑑᑉ ᐱᔭᐅᔪᒪᔾᔪᑎᒋᕙᒻᒪᒍ ᐋᖓᔮᓇᖅᑐᖅ ᐱᕈᖅᑐᕕᓂᕐᓂᒃ ᓱᕐᕋᓇᕐᓂᖓᓂᑦ. ᓰᐲᑏᖑᓂᖓ ᓇᓕᒧᐃᒋᐊᕈᑎᐅᕙᑦᑐᖅ ᐊᑦᑐᐃᔾᔪᑎᖏᓐᓂᑦ ᓱᕐᕋᓇᕐᓂᖏᑕ ᑏᕼᔅᓰᑉ, ᐊᒻᒪ ᐊᔾᔨᒌᖏᑦᑐᓄᑦ ᐃᓱᒪᒃᑯᑦ ᑎᒥᒃᑯᓪᓗ ᐊᑲᐅᓯᐅᒥᒍᑎᐅᔪᓐᓇᑐᐃᓐᓇᕆᐊᖃᖅᑐᑎᒃ ᐊᒻᒪ ᐋᓐᓂᐊᒐᓚᓐᓄᑦ.
ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓂᒃ ᓄᓇᓕᓐᓂᑦ ᓯᓚᑖᓂᑦ ᐃᓗᐊᓅᕐᓯᓂᖅ ᓄᓇᕘᑉ
ᐃᓐᓇᐃᑦ (ᐊᕐᕌᒍᓖᑦ 19−ᓂᑦ ᐊᖏᔪᑦᑎᓄᑦ) ᓄᓇᕗᒻᒧᑦ ᐃᓯᕐᓯᔪᓐᓇᖅᑐᑦ 30 ᒍᕌᒻᔅᓂᑦ ᐸᓂᖅᑐᓂᒃ ᐋᖓᔭᕐᓇᖅᑐᖅ ᐱᕈᖅᑐᕕᓂᕐᓂᒃ (ᐅᕝᕙᓘᓐᓃᑦ ᐊᔾᔨᖏᓐᓂᑦ) ᑎᒍᒥᐊᕐᓗᒋᑦ ᐅᕝᕙᓘᓐᓃᑦ ᐃᑦᑎᕕᒻᒦᑎᓪᓗᒋᑦ.
ᐊᓯᐊᒍᑦ ᐃᓯᕐᓯᓇᓱᐊᖅᑐᑦ, ᑎᑭᓴᐃᕕᒃᑯᑦ ᓂᕿᓂᑦ ᓱᓇᑐᐃᓐᓇᕐᓂᑦ ᐅᓯᔨᒃᑯᑦ, ᐅᕙᓘᓐᓃᑦ ᐊᓯᐊᒍᑦ ᐊᖅᑯᑎᖃᕐᓗᑎᒃ ᐋᔭᖔᓇᖅᑐᖅ ᐱᕈᖅᑐᕕᓂᕐᓂᒃ ᓄᓇᕗᒻᒧᑦ ᒪᓕᒐᕐᓂᒃ ᓱᕋᐃᓯᒪᓂᕋᖅᑕᐅᓂᐊᖅᑐᑦ.ᖃᓄᖅ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓂᒃ ᐊᖏᓂᖃᖅᑎᑦᓯᖃᑦᑕᓛᖅᐸᑦ (ᑕᐃᒫᓪᓗᐊᕐᓗᒋᑦ)
ᖃᐅᔨᒪᓂᐊᖅᑯᓯ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓂᒃ ᐊᖏᓂᖏᑦ ᐊᔾᔨᒌᖏᒻᒪᑕ ᒪᓕᑦᑐᒋᑦ ᑎᓯᓂᖏᑦ. ᑭᓯᐊᓂ, ᐅᑯᐊ ᐊᑐᐊᒐᐃᑦ ᐊᑐᕈᓐᓇᖅᑕᑎᑦ ᓱᓇᑐᐃᓐᓇᕐᓂᑦ ᓇᓗᓇᐃᕆᐊᕈᑎᒋᓗᒍ.
ᑕᑯᒋᑦ ᖃᓄᐃᑦᑐᖃᕐᓂᖓᓂ
ᑭᐅᔭᐅᔪᑏᑦ
ᓄᓇᕗᒻᒥ ᐃᒥᐊᓗᓕᕆᓂᕐᒥᑦ ᐊᒻᒪ ᐋᖓᔮᕐᓇᖅᑐᖅ ᐱᕈᖅᑐᕕᓂᓕᕆᓂᕐᒥᑦ ᑲᒥᓴᓐᑯᑦ ᐱᐅᓯᑎᑦᓯᒋᐊᕋᓱᐃᓐᓇᐸᑦᑐᑦ ᐱᔨᑦᓯᕋᕈᑎᒥᓂᒃ. ᐃᓱᒪᓕᐅᕆᔾᔪᑎᖃᕈᑦᓯ ᖃᓄᑐᐃᓐᓇᑦᓯᐊᖅ ᐱᓪᓗᒋᑦ ᐊᐅᓚᑦᓯᔾᔪᑎᕗᑦ, ᖃᖓᑐᐃᓐᓇᑦᓯᐊᖅ ᖃᐅᔨᒋᐊᕈᓐᓇᖅᑐᓯ ᐅᕙᑦᑎᓐᓂᑦ.
ᖃᐅᔨᒋᐊᕐᕕᒋᑎᒍᑦ